Wedding Expo - Aug

諗諗下都覺得癲, 連續3個月o既婚紗展我地都有去,
今次主要係搵d租衫資料, 好彩前幾日MC比o左d expo飛我地,
入場費都慳返呀!

其實今次expo都唔係好多o野睇, 第1間係 Perfection, d 款好鬼閃,
完全唔o岩我style, d 款有少少似溫馨o既style, 無謂side時間睇.

之後去o左 Anovia, 佢d衫真係好靚, d款少女得嚟又少少grand,
同埋款式特別, 好o岩我心水, 不過網上有d人話佢地service唔好,
價錢又唔係平, 所以未必諗喇.

再嚟係台灣o野藏愛, 佢拎o左好多晚裝同婚紗去expo,
d 款都好好, 同埋有幾件晚裝我都鍾意, o係度應該好易揀到衫.
原來佢地TST shop除o左地舖, 樓上仲有兩層放衫o架,
舖頭地方都幾大, 衫款會好多, 不過佢d 衫分晒grade,
同埋本身package唔平, $7299 只包 1WG+3EG, expo會多套男禮,
佢package唔包褂, 如果d 衫upgrade埋, 個package分分鐘過萬,
都係要去到睇下揀唔揀到衫再決定join定唔join喇.

行行下法國婚紗有婚紗 show wor, 佢d衫又幾好wor, 閃得嚟又唔會太誇,
一於問下有冇相睇. 個sales比o左之前行catwalk d 相我睇,
佢話佢地唔會好似出面d婚紗舖會逐件影,
如果o岩o既我地要join o左佢地先會比條link我地上網揀衫,
嗯 ... 呢下o野個感覺怪怪地, 我地都未睇過實物,
點知揀唔揀到o架, 仲要比晒錢先比條link上網choose,
都未係睇實物, 冇乜保障wor, 不過我地仲有好多時間揀,
未使咁快下決定住, 都係睇多幾間先