Dec Expo

Dec o既 Wedding Expo又有我份, 好彩傻佬之前班o左兩張expo free tickets,

我地又可以唔使錢入場喇!

由於pre-wedding公司o係台灣o既接頭人實在太唔helpful,

所以今次專程入expo搵LeeAnn傾下d攝影路線, 希望佢比到意見我地喇.

嘩! 台灣d sales o既做事手法同香港人真有d唔同, LeeAnn早幾日知道我地會去expo搵佢,

就買定d台灣手信比我地 (FF都有份呀), 又熱情招待咁,

當佢知道我地嚟o既目的係傾路線, 就拿拿聲叫o左Apple同我地傾.

Apple最初唔知係咪未get到我地o既意思, 係咁問我地有冇睇到佢本書仔,

又問我地想影邊d style, 介紹我地去XX農場咁 ...

等佢講完一大堆o野之後, 我地就將之前send比Josh 條路線比佢睇,

問下佢o唔ok, 佢睇完皺皺眉話唔得呀, 淨係搭車已經用o左好多時間,

冇可能去晒, 我地只可以2揀1 (淡水 or 希臘) ...

大鑊喇! 連Apple都話唔得, 咁d景點咁好少!?

不過Apple同我地講返, 如果想影景點就會好似旅行團咁, 到此一遊, 影下景,

根本影唔到感覺, 至於想出嚟有咩效果就要睇我地喇,

咁佢都講得o岩o既, 我book佢地都係想拍出感覺,

既然都問唔到d咩, 我地唯有離開啦,

睇嚟apple都係幫唔到我地wor, 咁好大可能我會放棄希臘喇,

不過我地仲有兩個月時間, 到時都仲要睇埋d開花o既情況先可以confirm到,

咁我諗到時去到台灣先再同Josh傾下, 唔side時間搵地方喇.

婚紗鞋

趁呢個weekend得閒, 拿拿聲去金都訂造返對婚紗鞋,
希望早d訂, 可以趕得切去台灣影相前攪掂.

其實之前行金都已經有d心水o既喇, 所以今日都唔格價,
直接上金都頂層o個間"新新"揀款.

o個度d款真係好多, 花多眼亂, 都決定唔到邊款,
不過基本起碼要係4吋有platform o既圓頭鞋.
原本一直諗住買對銀色鞋頭有個蝴蝶結閃石款o既,
但見到隔離個女仔試緊對白色閃粉鞋, 又覺得白色好襯婚紗,
所以最後訂o左對4吋白色閃粉, 鞋頭有個扣住水鑽o既蝴蝶結,
但我嫌佢未夠閃, 所以再另外加o左條閃石圍返對鞋.
下個星期有得攞喇, 希望出嚟個效果靚啦.

Monalisa

酒席送o左張Monalisa婚紗攝影比我地, 見佢依家搬o左去柏麗灣, 有新indoor景,
我地決定upgrade個package, 影埋柏麗灣公園, 我都唔知個package抵唔抵,
不過覺得ok就join啦, 依家book o左3月頭試衫, 3月尾影相,
haha, 即係我地去完台灣返嚟過幾日又去試衫, 再玩過!

Nov Expo

終於要交酒席大訂啦! 之前o個個1st option 無o左lu,
聽講o個邊都冇派人去expo呀, 所以我地今次係交八月軒大訂.

因為pre-wedding想帶埋介指去影相, 所以順便睇埋對介,
點知睇睇下sales叫我地不如睇埋求婚介指啦,
haha, 我梗係ok啦, 好彩傻佬都唔抗拒, 就係咁,
我地商量o左一陣, 就confirm埋求婚介指啦.

Confirmed 蝴蝶樹

睇o左幾次婚紗之後, 最後都係蝴蝶樹o既價錢同款式比較合適,
今日上去再睇多次d衫, d款真係幾好, 但我只係睇o岩兩件婚紗,
驚遲d冇o左, 又揀唔返, 所以拿拿聲hold o左個款, 不過嚟緊weekend會有expo wor,
唔知expo會唔會優惠d呢?

好彩同經理傾完之後, 佢比返expo d 優惠我地呀,
就係免費借3套首飾比我呀! 佢d首飾都ok靚, 咁我又慳返d租首飾錢啦 :)

仲有樣正o野呀, 原本即睇即join可以free試兩件,
問問下, 佢比我試4件呀, 同埋hold o左d款到我正式上去揀o個陣,
又可以換過, 唔當用o左第1次quota o架, 好正!

最後我join o左package 1WG + 3EG + 1 潮褂,
可換款1次.

Mee Wedding

終於book到時間去Mee Wedding 睇婚紗喇!

夜晚7點, 我同FF準時到達婚紗舖, 入到去舖個女仔例牌比d相我睇下,
不過好似唔多o岩, 勉強搵到兩件叫做o岩心水o既, 之後就睇實物喇.

唔知係咪呢度d款唔算太多, 之前上網睇o岩o既又租o左出去,
所以晚裝真係點都揀唔到3件wor, 照咁睇呢間唔會係我o既選擇喇.

八月軒 again

o係冇選擇o既情況下, 八月軒已經叫做好少少啦,
所以我地決定睇多次個場, 如果冇咩特別問題,
就會將d訂轉過嚟.

今次去到係另一個叫Ricky o既manager serve我地,
關於酒席o既o野, 佢比之前o個個黃小姐清楚好多,
好明顯佢係跟開酒席o既, 所以傾落好多o野都好易話為,
大部份o既terms都同之前o個間差唔多,
包場方面都冇之前黃小姐講咁貴wor, 睇嚟包場有望啦!
依家點都叫做搵到個後備場先, 唔理啦, hold o左先.

金都遊

終於輪到金都喇, 由於好多大o野都攪掂o左,
今日都係嚟睇下男禮同埋新娘鞋.

呢個場好旺, 感覺有少少似行花市.

新娘鞋
好似係2/F, 有間好大, 好多款, 款式幾靚, 不過display o既platform款好少,
未知好唔好著, 而且仲有成年, 可以再慢慢睇.

男禮
呢度大部份係老師傅, 相比Gary, 呢度d款閃好多, 同埋冇咁slim,
傻佬唔多o岩, 反而地庫有間係女師傅, d 款唔錯, 望落好收身,
around $2100一套, 包晒恤衫, 領呔, 背心, 腰封, 幾抵,
不過阿姐話冇得改返做普通西裝, 佢話改o左都唔好睇wor.

利是封
無意中比我見到地庫Joy's Card有款利是封好靚呀,
正方形封, 中間係彩色鴛鴦圖, 外框可選紅色or金色, 外框有壓花and燙金,
不過太貴$75, 50個, 仲要淨返一盒, 唔夠呀

睇場 - 美心系列2

由於肥仔單o野開始緊張喇, 所以我地趁早再睇下有咩美心場o岩啦.

1. 八月軒 (朗豪坊) - 有位
    最多席數: 25
   
    前身係粵江春, 5月裝修完, 改o左名做八月軒, 呢度同其他"八月"系列一樣,
    modern裝修, 比八月居好, 因為個場好光猛. 入門口後, 有一個小corner,
    可以用嚟放簽名台, 過o左小corner先入去大廳, 令個場有足夠私人空間,
    包大廳 + 簽名area 只需$80K, 可擺17圍.
    Backdrop後有兩個偏廳, 經理話到時會有散客, 不過backdrop有兩隻格仔門,
    到時拉開o左就會間開個場同埋d散客, 而散客會由另一條路直入,
    絕對唔需要經過個場, 有足夠私隱度, 如果想要埋兩個偏廳都可以,
    但要加$70K, 似乎貴o左d 呀, 或者睇下可唔可以同經理講下我地要其中
    一個偏廳用嚟做麻雀區, 睇下要加幾錢.

2. 八月花 (又一城) - 有位
    最多席數: 16
    o係門口望已經唔鍾意喇, 雖然樓底高, 但個場好暗, 個場係modern chinese裝修,
    鍾意o既人會好like, 不過唔o岩我心水, 加上我地要擺16圍, 有兩圍會放o左o係
    個大廳出面, 感覺會比人孤立o左咁, 而且呢個場仲有樣騎呢,
    就係門口隔離有兩張大卡位, 如果包起佢要加$10K,
    另外大廳側邊又有d散位, 要埋o個度又要加幾萬蚊,
    總之個場就唔係咁四正, 一忽忽咁, 怪怪地.

第3次睇婚紗

咁o岩我同FF都冇返工, 所以去o左睇衫, 今日target係藏愛同埋Mee wedding.

1. 藏愛
    呢度分12/F, 13/F兩層, 兩層d衫係有分grade o既,
    12/F全層都係F grade, 即係普通grade, 唔使加錢, 佔全部衫75%,
    13/F係 J, K grade, J區佔 20%, K區佔5%.
    我地先上12/F, 上面地方好大, 衫o既數量都幾多.
    去到婚妙區已經搵到件好靚o既婚紗喇, 衫o既胸前同衫身訂o左好多立體小花,
    下幅係由輕紗製成, 再加上少少暗閃, 少女得嚟又有少少grand wor, 好鍾意呀!
    之後sales拎o左件差唔多style, 又係有好多立體花花, 呢件閃好多,
    望落仲grand, 不過下幅都係之前o個件靚d.
   不過12/F d 晚裝唔多o岩心水, 所以我地上o左13/F.
   13/F地方細d, 呢層d婚紗好閃, 唔o岩我style, 而晚裝又係唔多o岩咁,
   只有其中一件鮮紅, A line, 中間泡泡款o個件幾好, 個款cute得嚟又有
   少少型型地, sales 話呢件好搶手wor.

呢度package唔平:
1WG+2EG - $6299
1WG+3EG - $7299
加男禮要$1500 or above, 仲要冇得租褂 wor, 咁埋單加加埋埋一定過萬wor,
都係睇定d

2. Mee Wedding
   已經裝修好, 不過今日中秋節佢地冇開工, 又要等下次再睇

又開始睇場 - 美心系列1

我地又去睇場lu, 今次target係美心集團o既中菜.

1. 八月居 (尖沙咀) - Full
    最多席數: 15
    個場好modern, 不過最多只係擺15圍, 如果多一圍都冇地方再擺,
    加上已經比人book o左, 冇得諗

2. 潮江春 (中環怡和大廈) - 有位
    最多席數: 23
    呢間要行樓梯落地庫, 對行動不便o既老人家嚟講好唔方便,
    已經扣o左 d 印象分, 加上裝修舊舊地, 牆身有d黃, 又有陣酒樓味,
    感覺再差d, 睇相明明唔係咁o架播, 同埋禮堂有4條小柱,
     雖然柱放o係好邊位, 但都係冇柱好d wor.

3. 怡翠軒 (中環怡和大廈)
    o係潮江春上一層, 裝修新d, 靚d, 不過見樓底矮, 所以冇入去問

4. 白玉蘭 (中環交易廣場) - 有位
    最多席數: 18
    搭完exchange square電梯後, 要行條轉彎樓梯仔上酒樓, 對行動不便o既老人家
    嚟講又係好唔方便. 呢度裝修新, grand 同 modern, 不過台側有兩條大圓柱,
    如果擺15圍, 有5圍要擺o係偏廳, o個5圍望唔到台, 要睇TV, 氣氛會差o左,
    偏廳再入o既大房係麻雀區, 好寬落, 唔迫wor, 不過15圍就唔多o岩, 10圍會好好多.

5. 潮庭 (金鐘中區和記大廈) - 有位
    最多席數: 20
    呢間睇相會覺得佢o既裝修同洞庭樓最似, 不過情實景又係另一回事,
    唔知係d燈光黃黃地, 定係已經舊o左, 成個場望落都好黃好舊,
    d 餐椅又唔多靚, 怪怪地, 唔覺grand, 反而有少少老土. 另外個台係側埋一邊,
    而個場又有幾條大柱, 所以有9張台o既guest唔係幾望到個台, 要睇電視,
    照顧唔到所有人.

6. 翠園 (銅鑼灣廣場2期) - Full
    最多席數: 35
     呢度有獨立升降機由地面/停車停直接上酒樓,
    上到去轉左已經係reception, reception左邊大廳係麻雀區, 右邊係主場.
     個場樓底好高, 成個場四四方方冇柱, 好四正, 裝修都幾grand,
    望落好酒店feel,  呢個係全日睇過最好o架, 不過big day o個日已經比人book o左lu

壞消息

肥仔今日講o左個壞消息比我地知,
雖然佢叫我地當故仔咁聽, 不過如果到時成事,
我地就要啟動緊急應變措施喇,
希望唔使行呢一步啦.

百利遊

今日繼續做下租衫 research, 不過唔係我o既衫, 係輪到姊妹同埋男禮喇,

原來依家百利轉o左形, 成個場都係賣d結婚用品, 新娘化妝, 同埋租衫.
呢度平圴$300已經可以訂造一件姊妹衫, 款式都好ok, 計落抵過租呀.

除o左姊妹衫, 呢度都有幾間shop可以訂造男禮,
我地o係2/F發現到Gary & Joe呢間正o野,
老細同我地差唔多年紀, 係designer, 佢d禮服個款好型,
傻佬是單拎o左件日式燕尾嚟試, 已經好 fit, 好修身,
絕對唔係水筒形, 而且簡簡單單, 唔係珠片閃石o個d登台款,
著上去好鬼型, 仲有d禮服可以免費改返做普通西裝,
而價錢又唔貴, 由 $1980 - $2480, 視乎質料而定,
大概一個月都可以起到貨, 如果租o個邊唔o岩, 就會幫襯Gary做喇.

Wedding Expo - Aug

諗諗下都覺得癲, 連續3個月o既婚紗展我地都有去,
今次主要係搵d租衫資料, 好彩前幾日MC比o左d expo飛我地,
入場費都慳返呀!

其實今次expo都唔係好多o野睇, 第1間係 Perfection, d 款好鬼閃,
完全唔o岩我style, d 款有少少似溫馨o既style, 無謂side時間睇.

之後去o左 Anovia, 佢d衫真係好靚, d款少女得嚟又少少grand,
同埋款式特別, 好o岩我心水, 不過網上有d人話佢地service唔好,
價錢又唔係平, 所以未必諗喇.

再嚟係台灣o野藏愛, 佢拎o左好多晚裝同婚紗去expo,
d 款都好好, 同埋有幾件晚裝我都鍾意, o係度應該好易揀到衫.
原來佢地TST shop除o左地舖, 樓上仲有兩層放衫o架,
舖頭地方都幾大, 衫款會好多, 不過佢d 衫分晒grade,
同埋本身package唔平, $7299 只包 1WG+3EG, expo會多套男禮,
佢package唔包褂, 如果d 衫upgrade埋, 個package分分鐘過萬,
都係要去到睇下揀唔揀到衫再決定join定唔join喇.

行行下法國婚紗有婚紗 show wor, 佢d衫又幾好wor, 閃得嚟又唔會太誇,
一於問下有冇相睇. 個sales比o左之前行catwalk d 相我睇,
佢話佢地唔會好似出面d婚紗舖會逐件影,
如果o岩o既我地要join o左佢地先會比條link我地上網揀衫,
嗯 ... 呢下o野個感覺怪怪地, 我地都未睇過實物,
點知揀唔揀到o架, 仲要比晒錢先比條link上網choose,
都未係睇實物, 冇乜保障wor, 不過我地仲有好多時間揀,
未使咁快下決定住, 都係睇多幾間先

第2次睇婚紗

試完妝之後, FF同我地出o左去TST睇衫,
今次做多o左research, 有經驗, 應該睇得快d

1. Pretty woman
    入到去個sales比iPad我地睇相, 不過冇件睇得o岩, 佢d款老老地,
    一係就好閃, sales見我睇唔岩, 拎o左幾件實物比我, 都係唔鍾意,
    問sales拎o左price list就走

2. 法國婚紗
    呢間好騎呢, 問佢有冇得睇下d婚紗相, 佢竟然話join o左package之後,
    會比條 link我地上網睇衫款, 嘩! 衫都冇得睇就要join,
    所以又係拎o左price list就走

3. 蝴蝶樹
    台灣o野, 唔係FF講我都唔知係正o野, 因為之前有d阿姐o係樓下派傳單,
    o個陣仲以為一定係唔掂 or 黑店所以先要咁樣sell.
    間shop o係1/F, 舖面唔算細, 裝修都幾舒服, o個陣有一個女人試緊衫,
    客唔多 wor. 最初sales比相簿我地睇, 好似冇件o岩心水,
    sales了解o左我鍾意咩款就拎幾件我睇, 不過都係唔多o岩,
    但佢好好, 比我地自己入去揀, o依! 入到去發現到正o野wor,
    晚裝有幾件都靚呀, 而佢o個兩款潮褂都好OK.
    至於婚紗雖然未至於叮一聲, 不過都揀到心水款wor.
    睇埋package, 價錢適中, 又幾好wor, 不過我仲未睇target o個間shop,
    都係睇埋先決定

4. 現代經典
    原本冇心睇呢間, 不過見係老牌子, 都入去睇下啦.
    又係睇 iPad 先, 預o左睇唔o岩, 之後sales提議我地入去自己睇.
    有d平腳婚紗款都ok, 不過我想租小拖尾, 最後只係睇o岩一件,
    點知sales將件婚紗拎出嚟o個下, 嘩! 完全叮一聲呀!
    個下幅有好多小點閃閃地, 好cute, 而閃得嚟又唔誇wor,
    而上身個交叉位應該拓起個胸幾靚, 好呀!
    之後sales介紹o左件型型地o既晚裝, 又係dream g 呀,
    件衫全件淺灰色紗, 裙擺紗入面有一朵朵玫瑰, 再加埋腰間一個黑色大蝴蝶,
    少女得嚟又唔會太young呀! 另外有件深紫晚裝, 腰位訂o左好多假鑽石,
    好型但又elegant, 就咁睇已好ok. 不過價錢比較貴, FF覺得未值呢個價,
    而傻佬就梗係想平d啦, 唔緊要target未睇, 睇埋先.

5. Mee Wedding
    原來依家裝修到8月31日, 唔知佢係真裝修定係摺wor, 要等佢裝修完再睇

6. Anovia
    呢間係浪漫一生連繫舖, 不過我地上到去已經close o左, 唯有下次.

試妝

前幾日約o左KK今日下晝試妝, 所以日日都上網搵下有冇d o岩o既做型,
今日拎上去比KK參考.

冇見KK幾年, 佢個樣冇乜變, 都係咁nice.

今日佢會同我試3個造型, 佢了解o左我想試邊種髮型之後就開始喇.
佢話我個樣屬於易化, 冇咩執, 係鴛鴦眼, 所以化對眼前要痴膠紙.
KK知我對眼比較敏感, 同埋驚畫眼線, 所以佢好有耐心咁教我望邊度
會令佢易化d, 同埋我又冇咁驚.

第1個造型 - 圈圈頭
當時睇覺得好靚 , 不過唔知係咪因為前面d頭髮梳起,
後面又好多頭髮圈圈下, 睇返相, 似阿婆恤髮

第2個造型 - 放返d頭髮落嚟
呢個最穩陣, 後面睇都好靚, 不過變化唔多

第3個造型 - 柯德利夏萍
想搵呢個做婚紗頭, 不過驚太貼頭唔好睇, 所以點都要試下,
呢個又係現場睇OK, 不過睇相塊面好肥 -____-

總括嚟講都好滿意, 所以即刻join o左早、中、晚package,
試妝費冇得扣, 但送o左個$500媽咪日夜set 頭+化妝比我.

Btw, 佢同我化完妝話我似bobo wor, 係輪廓似,
佢唔係第1個咁講, 不過我自己就唔多覺.

第1次睇婚紗

幾樣大o野攪掂, 係時候睇下衫.

之前問o左AM, 佢阿妹big day book o左 Brefa Wedding,
我地o係未make booking o既情況下上去睇睇先,
開門比我地個sales o既態度就麻麻, 佢知道我地冇book,
都唔係太想serve我地, 只係叫我地睇下枱面d相簿, 就行開o左,
不過呢度d衫睇極都唔係幾o岩心水, 好勉強先mark o左兩件..
之後有個類似老板娘o既人叫我地入去睇下d 衫,
佢d態度又好ok, 好nice wor, 佢問o左我鐘意d 咩類型o既衫之後,
就suggest o左幾款比我, 又好似幾好咁wor,
仲話可以 free 試3件水心[添,
不過我冇帶girdle, 都係唔試lu,
佢mark低o左我心水o個幾件, 下次再試.

食完飯, 我地過o左去金巴利道o個邊,
睇櫥窗, 好似冇乜o岩心水, 後尾上o左去溫馨.
估唔到上面都幾大, 而且有兩班客試緊衫.
呢度冇相簿睇, 全部都係靠sales問下你鍾意咩款,
拎出嚟介紹, serve 我地個sales 又d劉美君feel, 都幾nice.
其實佢suggest o個3件都唔係我心水o既款,
不過又唔抗拒o既, 佢又話可以借girdle比我, 所以試下啦.
原來我咁瘦都著到婚紗wor, ok好睇添呀,
而佢介紹o個d款著起又真係好過就咁睇wor.

最後佢同我地傾o左成個鐘價錢, 我地都係冇join,
一來我想睇多d其他舖頭o既款,
二來佢一路都唔想比我睇晚裝款咁,
我唔睇真係唔知揀唔揀到wor, 冇可能join啦,
依家距離big day 仲有年幾, 唔急呀,
可以睇多幾間, 做下research先.

Big Day - Photography

尋晚睇完Martin d 相, 越諗越唔抵, viedo又冇無間度feel,
但成日package 加加埋埋要23K, outbudget o左,
又唔係我地想要o既o野,
所以今晚去o左金都睇下FF個靚女frd搵o既"幸福宣言".

行到去有個四眼佬sell我地,
咪問下佢我地想搵Howard影,
點知原來佢就係Howard -______- 又會咁橋

佢check過我地big day後話呢日都旺,
有人問wor
(其實我覺得係sales手法, 未必有人問過),
佢地暫時都仲有期,
咁我地就入去睇下啦!

其實佢大部份都係sell返website上o既相, 但起碼好多都好ok,
個feel幾好, 係我地想要o既style,
佢為人都幾健談,
應該幾識攪氣氛, 幫到手wor.

我見佢show比我睇d相係o係酒店出門,
就同佢講我唔係酒店出門,
有冇d屋企出門o既相睇下,
佢問我咩型, 我仲以為佢問我個廳係長方廳定鑽石廳,
點知佢問我係"Y型"定"井字型",
o下!
乜我個樣似住屋村咩???
真係唔知比咩反應佢,
所以我輕輕同佢講我係私人樓..

之後我地又睇下viedo d 相, 我同佢講想睇慢歌,
佢話通常唔會太慢, 會輕鬆d為主,
o依,
感覺又幾好wor, 睇嚟各樣o野都好OK.

到傾 price 喇, 原來搵Howard要加$3000,
同埋佢唔係跟我全日,
不過就算OT都唔貴 $150@hr@head, 點計都平過Martin好多,
而且佢地包o左日拍放播,
又有童年相viedo,
另外, 我地冇要相簿同埋board photo, 平o左$1200,
最後個數around
$15000.

我地見o岩心水, 又唔知仲有冇其他好o既情況下即刻落o左訂, book o左喇!

Martin photo demo

之前聽PT極力推介下, 對今晚o既demo唔多唔少都有d期望,
希望搵到唔貴o既無間道質數o既相.

無疑Martin o既snap shot
係影得唔錯, 不過唔知點解
佢o既相就係比唔到驚喜我, 無眼前一亮o既感覺,
同埋feel到佢對幫自己frd影相係有heart好多,
靚好多.

至於viedo partner, 佢d viedo就真係有d騎呢,
我可以將成個feel形容為福祿壽,
好滑稽呀,
我明明係要無間道o架嘛, 就算未去到無間道,
都唔係福祿壽掛

而價錢, 老實講,
真係有少少outbuget
(19K 得影相, 未有viedo o架, 如果viedo 要加 3500,
另外, 童年相viedo又要加1500,
逐樣加, 唔化算wor)
都係o個句啦, 佢做到無間道o既, 個價係OKo既,
不過佢係above average, 未到outstanding
o個隻播,
我諗我地要搵定第2間喇.

Wedding Banquet - Confirmed!

今日約o左洞庭樓杜小姐傾酒席d o野, 其實主要想睇下可唔可以"r"多d jetso啦,
如果OK o既就會落訂o架啦, 因為真係好鍾意個場,
好驚比人book o左呀.

我地9:30pm上到去, 但杜小姐已經serve
緊一pair新人,
佢地唔會咁o岩book我地o個日掛!

我地坐o左15-20mins左右,
杜小姐就過嚟serve我地喇.
成個過程杜小姐都好helpful, 佢提我地好多o野冇必要都唔好加,
慳返d錢用落第2度,
而我地之前mark低o左o既jetso, 佢都一一答應,
仲要差唔多全部 free o架.

而新娘房o既問題都修正到,
做到我心目中o既要求.

再睇埋佢地送o既backdrop同 decoration,
又係我心目中o既style,
而且同比錢出面整差唔多feel,
haha, 可以照用, 又慳返d.

好啦, 少問題全部攪掂晒, 感覺上d酒席仲平過之前皇宴,
個場又grand d,
所以我地退庭商議o左10mins就落訂啦.

杜小姐話我地依家只係需要比細訂, hold
o左位先,
到11月expo比埋大訂, 到時佢地會比多d優惠我地,
睇落成件事都好ok呀!

haha, 依家攪掂最大o個part,
我地可以plan其他o野喇!

睇場三

銅鑼灣

1. Times Square - 洞庭樓
2. Times Square -聘珍樓
3. 利舞台 - 皇宴
4.
皇室堡 - 帝庭
5. 皇室堡 - 皇宴/欣宴
6. Park Lane Hotel

睇場二

既然皇宴唔得, 我地決定去睇下尖沙咀其他場.

下晝o係公司search o左幾個:
1. The One - 煌府
2. The
One - 利寶閣
3. The One - 東海
4. 美麗華 - 潮庭匯
5. 都會海逸酒店

好日子

傻佬媽尋日搵黃大仙擇o左6個好日子, 不過我地可用o既實在唔多,
因為有幾日係o係農曆十月呀 -_____-

好彩佢擇埋西曆10月比我地,
我地對返尋日彩福mark比我地o既日子,
見到10月o既好日子有位wor, 睇嚟我地再做 research,
r 下sales比多d優惠我地,
就落得訂喇.

um ... 不過訂酒席前都係同阿媽講下好.
唉! 唔講由自可, 一講, 佢係咁彈,
話部 lift 成日壞, 又舊,
又叫我不如揀weekdays,
仲話泊車唔方便, 冇免費,
又話必要時到要揀呢度o架喇....

嘩!
點解佢講到咁差?
呢度係我1st choice 嚟o架! 我點都估唔到佢咁唔鍾意,
睇嚟呢度應該唔揀得喇,
我地要拿拿聲做research,
搵第2度先得.

攝影檔期

今日無啦啦收到浪漫一生email, 知道我地想影櫻花,
但只係得3日檔期 (2月22、24及26日) 比我地,
仲要o係6月11日前reply,
如果唔係就冇o左個期o架啦.

哎呀! 點解會咁急o架, 我地本身plan o左3月尾,
依家無啦啦提早o左成個月,
2月仲要鬼咁凍添, 有d驚影出嚟效果唔好呀 -____-
無計啦,
我地唯有問下"浪"o個邊比唔比到3月尾我地啦.

到o左夜晚經FF research完後,
原來陽明山個花期最靚係佢suggest比我地o既時間呀,
諗諗下又o岩wor, 我地個package應該會比個最靚o既期我地o既,
不過都係等o個邊reply o左先啦.

Wedding Expo 2

尋晚一輪商議後, 覺得真係幾優惠,
所以我地2 pair, 4個人決定o左搵"浪"影相喇.

我同傻佬做先頭部隊, 去Expo同sales
LeeAnn打招呼先.
而FF佢地4點都到o左會展喇.

最後一輪討價還價後, 我地再傾到以平價加多幾張相,
total有40張相,
攪掂o左!

Wedding Expo 1

尋日經Ian提一提婚紗展已經開始o左, 傻佬突然好主動咁話我地都去睇下wor.

其實今次去都諗住冇咩實質o野做, 只係攞下idea,
睇下d婚紗相package,
做下預算咁, 所以FF今次唔會去喇, 佢地會等7月o個個大o野.

一去到就見到春天個booth,
其實我都有d想搵春天, 話晒獨家影淺水灣酒店 ...
佢d相真係好靚呀, 哎呀, 攪到我有d心動添, 不過傻佬好鬼cool,
好似冇咩意見,
又唔太想咁 ... 橫掂都係第1間, 我地要繼續睇下, 都係算啦.

之後去o左凱瑟琳, tong影o個間呀,
睇完相簿覺得佢d相唔係太靚,
都係要再睇下 ...

o依 ... 前面係"浪" counter wor, 等我同傻佬夾定諗下問d
咩先,
話晒之前都係諗住搵呢間.

行到過去, 有個肥仔sell我地,
坐低之後就有個四十幾歲女人過嚟.
佢一開始就係咁話我地俊男美女同埋好襯, 好明顯呢d係sell人技巧啦,
佢有佢講我有我睇相簿. 睇睇下,
佢好似覺得我地接受能力好強,
拎o左本鐵馬婚紗相比我地睇

嘩! 一睇不得了呀, 估唔到"浪"o既photo可以影到d咁型o既相,

即刻加晒分, 輯相應該好o岩FF口味wor, 等我返去同佢講先.

Sales 比o左好多優惠我地,
總之好so啦,
聽完好想即刻join添, 不過要等埋FF
wor,
唔知係咪個sales好想有張單, 佢話如果我地個frd又係俊男美女,
都會有同樣優惠wor, haha呢樣一定pass啦,

個優惠會hold到聽日o架, 等我同FF商量下, 再做下research先.