做完一輪research後, 都係亞達同埋銀禧比較穩陣, 所以即刻打去約時間睇車.
11月expo o個陣問過銀禧, 我地big day o個日仲有兩架金色未有人租,
點知依家都冇埋, 即係唔使諗銀禧喇.
而亞達就仲有玫瑰紅同埋桃紅, 好彩仲有我心水選擇, 梗係mark o左架玫瑰紅先啦.
嘩! 亞達好旺呀, 我地去睇車o個陣, 仲有兩pair人都睇緊呀, 不過佢地有其他target, 係粉紅色.
粉紅色對我嚟講太卡通喇, 不過佢內籠改o左桃紅絲絨seat, 仲貼埋閃石, 望落好有公主feel,
影相仲好靚添呀.
至於我架心水玫瑰紅就用返原裝皮seat, 入面係冇咁grand, 不過影相應該好少會影到掛,
聽講呢架紅色係舊年9月先重新噴色, 所以睇落好新淨. 亞達又好好人咁即刻開車比我地試下d力水,
冷氣咁, 真係好OK呀!
試完, 睇過, 又影埋相, 見個價又ok, 所以我地好快咁落o左訂喇!
