場地佈置

拎o左美心coupon去都會海逸o既Maple decoration 睇下d場地佈置,
$1xxx o個個package真係唔多掂, backdrop得一層布, 只可以用娟布,
d娟布又皺到死, 同酒樓送o個d差唔多 -_________-

而$2xxx o個隻backdrop包兩層布, 可以揀唔同o既料, 紗同lace 都得o架,
顏色可以big day前一個月去confirm, 而且package 唔限花o既數量, 任加都得,
冇額外收費, 如果加毛毛地毯要加$1000, 但會free埋籐球比我地.

由於個場本身o既佈置唔多ok, 所以最後join o左二千幾o個個package,
hold o左個期先.

攪掂姊妹裙

經堂嫂介紹, 今日上o左百利323睇姊妹裙.
o個度雖然冇地舖裝修得咁靚, 不過勝在款多,
而且有好多顏色供客人選擇,
加上compare過樓下香江儷人(好似係呢個名),
短裙連披肩真係平dd wor, 況且姊姊裙只係著一日,
相信就算車工無"儷人"咁好, 但仍然可以接受o既.
而且我已經睇中o左一兩個款, 所以趁手比埋錢,
遲d約埋d姊妹上嚟揀款, 就可以正式落單喇.

HK pre-wedding 揀相成功

晨早10點幾走入柏麗灣揀pre-wedding相, 婚紗舖個lobby唔多人wor,
坐o左無耐, 個staff開機比我地自己揀相, 全程佢都冇坐o係我地隔離,
揀得好free, 完全冇壓力, 由於其中一個造型實在唔係幾鍾意,
加上攝影師影相d角度問題, 我地勉強揀到package o個28張,
即係同我地個計劃一樣, 一張相都唔會加, 至於sale upgrade細相簿o個d
就唔使講都up唔到喇, 好彩個staff都只係sale少少, 冇push我地,
就係咁我地o係無加錢o既情況下順利完成揀相o既步驟,
再等多4個月就有貨收喇!

HK pre-wedding 試衫

今日10:15am已經到o左Mona lisa預備試衫, 等o左陣, 有個女仔帶o左我地入去大廳坐低,
無論揀衫定係影相, 都會坐o係呢度等.

首先試男禮先, 嘩! 點解d西裝唔係繡花, 就係圍o左d金線, 唔怪知出面d男人個個件西裝都咁浮誇啦,
仲以為佢地鍾意呢d style, 原來係正常清清地o既款都要加錢.
由於我地影呢輯o既目標係除o左upgrade舊錢之外, 就唔再加錢,
所以最後揀o左一套簡約黑禮同埋一套領位有d白色車花o既白色禮服,
博佢影出嚟唔見d花.

到女仔喇, staff 預備好我之前o係internet上面揀o左o既20件衫,
不過有幾件佢冇搵比我, 所以其實唔夠20件.
為o左想輯相d衫同台灣o個輯唔同, 所以主打會係A line款.
明明website睇d深色款好靚, 但著起會顯得我老d,
攪到冇咩款可以揀, 所以好快已經揀好衫.

最後揀o左兩條都係淺色o既晚裝, 同埋一件有腰帶o既婚紗.

花球 for HK pre-wedding

Monalisa要求我地影pre-wedding要有花球, 不過冇硬性規定搵佢訂定係自己預備,
嘩! 佢d鮮花花球平均要7xx - 9xx 咁貴, 梗係唔幫佢訂喇,
所以揀完衫即刻出去金都買個絲花花球, 一來平d, 二來可以用嚟o係big day當後備呀.

行晒成個金都發覺間間d花球款差唔多, 最後o係Sweet decoration 買o左$380

TW pre-wedding 影相

今日仍然持續大雨, 我地一行4人起身食少少o野就搭的士去浪化妝set 頭.

7:00am 到o左studio2/F, 等o左陣MUA Cherry幫我化先, d男人全部要出面等.
Cherry份人cool cool 地, 所以我地都唔係點傾計, 不過都feel到佢好細心,
同埋化眼妝都冇令我唔舒服呀.

化好妝Cherry叫我試下d衫, 乜件件都鬆o既, 要拎落去改過呀,
仲有件紅色晚裝又唔知去o左邊, 冇拎過嚟o既, 係咪漏o左呀!
Cherry 趁改衫o既時間幫我set 埋個頭, 佢又係好有心機,
出嚟個效果好好, 我好滿意呀!

跟住攝影師阿義同我講解返佢大概會點影, 同埋問我d要求,
溝通完之後, 助理玉珍幫我地影o左幾張造型照做reference,
confirm 造型經影相出嚟個效果係ok o既.

around 9:30am, 因為出面仲係落緊雨, 而我又有兩個studio景, 所以先影第1個studio造型.
studio呢part我當係warm up 啦, 唔知影出嚟d表情會唔會好生硬.

影o左1 hr 之後我地就出發去主打地點 - 陽明山影櫻花!
好好彩, 我地去到o個陣d雨停o左, 之後仲有少少陽光添,
不過o個度o既櫻花數量就唔係咁多, 完全唔同我o係電視見到好澎湃o個隻 -____-
原來澎湃o個d要o係陽明山第2段先睇到, 冇足夠時間比我地過去影,
所以pre-wedding通常都會o係呢個公園仔取景.

第2個造型係前短後長婚紗配花環頭飾, Cherry幫我整到好似仙女咁,
而且exactly係我心目中o既款, 大愛呀!
攪掂造型之後, 阿義提議去北投前加一個蘆葦、湖水景,
o個度現場環境冇乜特別, 仲被我形容為一潭死水,
但阿義提議得, 應該OKo既.

之後我地就直去北投, 其實阿義揀o個個景唔係我之前做資料搜集o個個景,
估唔到o個度又有dd櫻花, 加埋個建築, 望落又ok wor.
我地o係呢個景影o左好耐, 阿義仲話落埋去西式建築o個邊,
不過我見o個陣差唔多4點, 我地仲未影淡水o既一漓水呀, 點算!!!

經我問完阿義一漓水o既關門時間, 就拿拿聲起程過去.
o個度5pm close, 我地4:40pm先到, cherry即刻以極速幫我換衫轉妝,
然後成隊人跑入去盡影, 最後梗係影到比人趕啦 -_______-

唔知係咪阿義知道自己攪錯時間, 為o左屬罪, 佢又加個教堂景比我,
o個度又係有櫻花, 我地影埋夜櫻呀 :)

終於攪掂外景, 我地回程返studio影埋最後o既臘蠋景,
而我地專程帶去o既對介終於出場喇.

終括, 全個行程都好好彩, 影相o個陣都無雨, 仲有少少陽光添,
希望出嚟效果靚啦.

TW pre-wedding 決定路線 + 試衫

由於我地搭8:20am 機去台灣, 所以Josh約o左我地1:30pm到浪揀衫.
我地落o左機即刻搭大有巴士去浪, 架車o係大同大學落, 行6, 7 分鐘就到架啦.
由於去到都係12:00, 佢地未正式開舖, 所以個staff叫我地o係附近食完lunch先返去揀衫.

食完o野返去, Josh就逐pair研究下聽日拍攝o既路線, 但由於呢幾日都落大雨,
Josh 都唔suggest我地去翡翠灣o個邊, 因為拍出嚟o既天空係白色o既,
出嚟o既效果都唔會好, 至於大屯農場o個邊, 依家唔係咁多花, 所以唔會拍到我想要o既花海 lu,
而竹子湖似乎都冇咩好影喇, 因為開o左好少花, 影出嚟只會係一片草綠色,
加埋落大雨, 又係去嚟都冇用, 好彩事前做o左好多research, 可以去到淡水o既一滴水,
同埋北投博物館.

最後confirm聽日路線:
陽明山 -> 一滴水 -> 北投 -> 夜晚studio (蠟燭)

攪掂o左路線, 我地就上樓上揀衫喇.
好唔好彩, 幫我試衫個女仔唔係咁helpful, 佢一嚟就比件深粉紅我試,
隻色好娘下, 之後拎o左幾件都唔係咁ok,
我同佢講想要淡色o既晚裝, 佢總算拎o左幾件比之前好少少o既衫比我,
不過都唔係幾知我想要d乜, 最後攪o左好耐先揀到件小拖尾, 同前短後長婚紗,
而晚裝就揀o左件深紫色同一件米色上身有d深藍色花紋o既紗料.

女仔揀完到男仔喇, 行o左幾條街, 終於到o左揀男裝o既shop,
講真d白色禮服, 如果唔upgrade, 真係娘娘地, 有少少部長feel,
不過靚少少o個要upgrade多d錢, 所以走出去同個frd商量下,
點知佢地個sales話upgrade price得一個價, 冇分grade!!!
有冇攪錯呀, 如果我地唔係同frd一齊去, 咪無啦啦比佢屈多o左錢都唔知!
理論完, 佢梗係比返同樣o既價我地啦,
最後我地揀o左一黑, 一白 (upgrade o左).

o係我仲係火火地o個陣, 我拎返張單出嚟睇, 原來女仔有5套衫, 佢欠我地一件呀!!!
就係咁, 我地又返返去浪同佢講返, 再試過 -_______-
今次好好彩, 個sales唔知o係邊度拎件紅色晚裝比我試, 又好靚wor,
終於第5件晚裝都攪掂埋, 我地可以去食飯休息喇.